" شعر "
شعر اولوب دونیا منه
بالا بیر کورپه کیمی
بله ره م من کاغاذا
قاتارام اوچ بالاما ...... !
×××
کلماتی دییره م
اولاری چوخ سویوره م
دوزولوبلر دالئما
یاپئشئب لار الیمه
قلم نن سوت امیللر
جئققئلی اوشاخ کیمی .....!
×××
بی بئله اوشاخ منه
گینه ده آزدی اینان .
الیم نن گلسه ایه ر
اولارا " مهد " آچارام
مهده آد قویسام ایه ر
آدئن " دیوان " قویارام ......!
×××
بعضی سی اوت قیرناسی
بییازی یاواشدئلار
بییازی آغلیاندی
بعضی سی گولر دیلر .
نه دئماخ !!
هله ده اوشاخدئلار .
×××
سوزلری من یازئرام
آدئنی " شعر " قویورام !
دوزوره م آغ کاغاذا
دویره سین گول چکیره م !
×××
1384- آذر
+
کبرا پورپیغمبر ( آذر ) ; ۱:۱٠ ق.ظ ; ۱۳٩٠/٦/۸